ସମ୍ବଲପୁରୀ କପଡ଼ାର ଚାହିଦା ଏବେ ସୁଦୂର ପ୍ରସାରୀ ହୋଇ ପାରିଛି । ହାତ ବୁଣା ଲୁଗାର ଚାହିଦା ବିଶ୍ୱ ବଜାରରେ ବି ପ୍ରଭାବିତ କରିଛି । ତେବେ ସେହି ଲୁଗାକୁ ଆଉ ଟିକେ ଆଗକୁ ନେବା ପାଇଁ ନିଆରା ପ୍ରୟାସ କରିଛନ୍ତି ଜଣେ ଫେଶନ ଡିଜାଇନର। ବିଦେଶରେ ଏହାକୁ ଯେମିତି ପସନ୍ଦ କରିବେ ସେଭଳି ଡିଜାଇନ୍ କରି ଏବେ ଚର୍ଚ୍ଚାର ସୁବର୍ଣ୍ଣପୁର ର ମମତା ଡୋରି ।
ସମ୍ବଲପୁରୀ ବା ସୋନପୁରୀ ବାନ୍ଧ ଶାଢ଼ୀ ଏବେ ବିଶ୍ୱ ବଜାରରେ ସ୍ୱତନ୍ତ୍ରତା ଲାଭ କରି ସାରିଛି। ତେବେ ଏହି ପାରମ୍ପରିକ କଳାକୁ ଆହୁରି ଆଗକୁ ନେବାକୁ ଏବେ ପ୍ରୟାସ ଆରମ୍ଭ କରିଛନ୍ତି ଫେସନ୍ ଡିଜାଇନର ମମତା ଦାସ । ସେ ନିଜେ ଫେଶନ୍ ଡିଜାଇନ୍ ସମ୍ବଲପୁରୀ କପଡ଼ାର ତିଆରି କରିଛନ୍ତି ଭଳିକି ଭଳି ମଡର୍ନ ଡ୍ରେସ । ଏହାକୁ ନେଇ ସେ ସୁଦୂର ଚାଇନାରେ ବି ହୋଇଛନ୍ତି ପୁରସ୍କୃତ। ଗତ ୧୧ ରୁ ୧୬ ଜୁନ୍ ରେ ଚାଇନାରେ ଆୟୋଜିତ ଚାଇନା କୁନମିଙ୍ଗ ଇମ୍ପୋର୍ଟ ଏକ୍ସପୋର୍ଟ ଫେୟାର ରେ ଯୋଗଦେଇଥିଲେ ମମତା । ରାଜ୍ୟ MSME ଦ୍ବାରା ବାଣିଜ୍ୟ ବିଭାଗର ସହାୟତା ରେ ଭାରତର ୧୦୦ ଜଣ ପ୍ରତିଯୋଗୀ ସହ ଓଡ଼ିଶାର ୯ ଜଣ ପ୍ରତିଯୋଗୀ ଭାଗ ନେଇଥିବାବେଳେ ଭାରତରୁ ଏକା ପୁରଷ୍କୃତ ହୋଇ ମମତା ବାଜି ମାରିଛନ୍ତି । ଯାହାକୁ ନେଇ ସେ ଓ ଜିଲ୍ଲାବାସୀ ବେଶ୍ ଖୁସି ଅନୁଭବ କରିଛନ୍ତି ।
ଭୁବନେଶ୍ୱର ର ଝିଅ ସୋନପୁର ସହରରେ ବୋହୂ ହୋଇ ଥିବା ମମତା ଦୁଇ ବର୍ଷ ହେବ ମମତା ଡୋରି ନାମରେ ଏକ ଫେସନ ଡିଜାଇନ୍ ସେଣ୍ଟର କରି ଅନେକ ଯୁବତୀ ଙ୍କୁ ତାଲିମ ମଧ୍ୟ ପ୍ରଦାନ କରୁଛନ୍ତି । ବିଶେଷକରି ପାରମ୍ପରିକ ଆଭରଣ ରେ ଆଧୁନିକତାର ଛାପ ଦେଉଥିବାରୁ ତାଙ୍କ ପ୍ରସ୍ତୁତ ସାମଗ୍ରୀ ବେଶ୍ ଆଦୃତ ହୋଇ ପାରିଛି । ତାଙ୍କର ଏଭଳି କାର୍ଯ୍ୟ ପାଇଁ ଆଜି ମାଟି ଗୌରବାନ୍ଵିତ ହୋଇଥିବା କହିଛନ୍ତି ଜିଲ୍ଲାବାସୀ । ତେବେ ସେ ତାଲିମ ଦେଉଥିବା ଯୁବତୀମାନେ ବି ନିଜେ ସ୍ୱାବଲମ୍ବୀ ହୋଇ ପାରିଥିବାରୁ ତାଙ୍କୁ ଧନ୍ୟବାଦ ଦେବା ସହ ନିଜେ ଗର୍ବ ଅନୁଭବ କରିଛନ୍ତି ତାଲିମ ପ୍ରାପ୍ତ ଯୁବତୀ ମାନସୀ ପଧାନ,
ସୋନପୁର ପରି ଏକ ଛୋଟ ସହରରୁ ଚାଇନା ଯାତ୍ରା । ସେତେଟା ସହଜ ନଥିଲେ ବି ସଙ୍ଘର୍ଷ କରି ସଫଳତା ପାଇଛନ୍ତି ମମତା। ଯାହା ଅନ୍ୟମାନଙ୍କ ପାଇଁ ପ୍ରେରଣା ଯୋଗାଇବ ନିଶ୍ଚିୟ।
